Таиландда 3 апрелдан умуммиллий комендантлик соати жорий этилади

Таиландда коронавирусга чалиниш билан боғлиқ 1 875та ҳолат қайд этилган, 15 киши вафот этган.

Фото: EPA-EFE/RUNGROJ YONGRIT

Таиланд ҳукумати қироллик ҳудудида коронавирус тарқалишига қарши кураш доирасида 3 апрелдан умуммиллий комендантлик соати жорий этмоқчи. Бу ҳақда Reuters агентлиги хабар берди.

Хабарда айтилишича, комендантлик соати 22.00дан 04.00гача амал қилади. Бу вақт давомида фақатгина тиббий ашёлар ташиш, тиббий ходимлар ва беморларнинг ҳаракатланиши мумкин бўлади.

"Бош вазир Прают Чан-Оча бугун миллий телевидение орқали баёнот беради", - дея ҳукумат вакили сўзларидан иқтибос келтирмоқда Reuters.

Қироллик соғлиқни сақлаш вазирлигининг маълум қилишича, Таиландда коронавирусга чалиниш билан боғлиқ 1 875та ҳолат қайд этилган, 15 киши вафот этган.

Тайёрлаган Дилшод Аскаров

#Таиланд #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.