Ички ишлар вазирлиги матбуот котиби Шоҳрух Ғиёсов карантин даврида уйда қолиб, фурсатдан фойдаланган ҳолда уйларини таъмирлаб олиш мумкинлигини тавсия этди.
Фото: Shutterstock
«Карантин даври – уй таъмири сингари фойдали ишларни ўтказиб олиш учун қулай пайт. Аммо ҳозир қурилиш моллари дўконлари ёпиқ. Шу боис уй таъмирламоқчи бўлган юртдошларимизга бунинг чораси ҳақида маълумот бермоқчиман.
Интернетда қурилиш моллари савдоси билан шуғулланувчиларни топиб, боғланинг. Улар омборхоналаридан сизга керакли молларни такси-куръерлик хизмати орқали бериб юборишади. Тўловни онлайн ўтказмалар орқали амалга оширишингиз мумкин. Уй таъмирини эса оилангиз кўмаги билан ўзингиз ўтказиб оласиз», – дея Шоҳрух Ғиёсовнинг сўзларини келтирмоқда Kun.uz мухбири.
