Битирувчи ўрнига робот: Токиодаги университет инновацион диплом топшириш маросимини ўтказди

Япониядаги BBT университети COVID-19 пандемияси даврида карантин қоидаларини бузмай битирув маросимини ўтказишнинг ажойиб технологик йўлини топди.

Фото: BBT University

Университет расмий сайтида хабар қилинишича, маросимда роботлардан фойдаланилган: тўрт нафар битирувчи (икки бакалавр ва икки магистр) уйдан туриб масофадан бу роботларни бошқариш имкониятига эга бўлган.

Роботларга битирувчилардек кийим кийгизилиб, юз қисмига дисплей жойланган ва у онлайн тарзда битирувчининг вебкамерасига уланган. Роботларни масофадан туриб бошқарган талабалар улар воситасида дипломларини тантанали тарзда қабул қилиб олишган.

Дипломларни университет ректори Омае Кеничи топширди.
Фото: BBT University

Қолган битирувчилар эса маросимни ZOOM орқали онлайн кузатиб, фикрлари билан ўртоқлашишган.

28 март куни Токиодаги меҳмонхоналардан бирида ўтган тадбирда newme роботларидан фойдаланилган. Битирувчилар маросимдан кейин ушбу роботлар орқали интервью ҳам беришган.