БААда қолаётган хорижликларнинг визаси йил охиригача чўзиб берилади

БАА ҳукумати коронавирус пандемияси сабабли мамлакатда қолаётган хорижликлар ва яшаш ҳуқуқига эга шахслар учун визани жорий йил охиригача узайтириб беришга қарор қилди. Бу ҳақда БАА бош вазири Муҳаммад бин Рашид Ол Мақтум твиттерда маълум қилди.

Фото: Getty Images

Унинг таъкидлашича, вазирлар маҳкамасининг видеоалоқа шаклида ўтган йиғилишида “БААда яшаш ҳуқуқига эга бўлганларнинг барчасига виза узайтириб берилиши”га қарор қилинган. Бу тоифадаги резидентларда “бундай ҳолатда ундирилиши керак бўлган солиқ олинмайди”.

БАА бош вазири ҳукумат “давлатнинг стратегик захирасини мустаҳкамлаш ҳақида” қарор қабул қилгани ҳамда давлат корхоналарига “ўз ишлаб чиқаришини соғлиқни сақлаш тармоғи эҳтиёжларини максимал қондириш учун қайта ташкиллаштириши” зарурлигини айтган.

Айни вақтда БААда 200 дан кўпроқ кишида коронавирус аниқланган.

Тайёрлаган Шуҳрат Раҳимов

#БАА #виза

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.