ЖССТ Европада карантин чораларини енгиллаштиришга ҳали эрта деб ҳисобламоқда

Аввалроқ Австрия канцлери Себастьян Курц мамлакатда апрель ўрталаридан чеклов чораларини юмшатиш режалаштирилаётганини маълум қилганди.

Фото: Picture Alliance

Европа мамлакатлари учун коронавирус пандемиясини тўхтатиш мақсадида жорий этилган чеклов чораларини енгиллаштириш вақти ҳали келмади. Бу ҳақда Жаҳон соғлиқни сақлаш ташкилотининг Европадаги бўлими директори Ханс Клюге айтди.

"Ҳозир карантин чораларини бўшаштириш вақти эмас. Ҳозир умумий саъй-ҳаракатларимизни икки ва уч бараварга ошириш вақти)", - деди у.

У шу билан бирга қатор мамлакатларда коронавирус билан боғлиқ вазият борасида "ижобий белгилар" кузатилаётганини эътироф этди.

Тайёрлаган Дилшод Аскаров

#Европа #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.