ОАВ: Италияда футбол учрашувларига томошабинлар киришига 2021 йилгача рухсат берилмайди

Италия ҳукумати мамлакатда ўтказиладиган футбол ўйинларида томошабинлар киришини 2021 йилнинг январь ойига қадар ман қилмоқчи.

Фото: Getty Images

Бу ҳақда beIN Sports телеканали журналисти Танкреди Палмери хабар бермоқда.

Италия чемпионати ўйинлари март ойида коронавирус пандемияси туфайли тўхтатиб қўйилган эди. Мамлакат футбол федерацияси президенти Габриэле Гравина турнир 17 май кунидан давом эттирилиши мумкинлиги ҳақида айтган бўлса-да, у А Серия жорий мавсумини сентябрь-октябрь ойларигача якунланиши эҳтимолини ҳам рад этмаганди.

Маълумот учун, ҳозирги кунга қадар Италияда 152 минг кишида коронавирус аниқланган бўлиб, 19 468 киши вафот этган, 32 534 нафар киши эса соғайган.

Тайёрлаган Усмон Ибодов

#Италия #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.