Россияда коронавирусга қарши дорини синовдан ўтказиш қачондан бошланиши маълум қилинди

Россияда ишлаб чиқилган коронавирусга қарши дорини клиник синовдан ўтказиш 10-12 кундан сўнг бошланади. Бу ҳақда мамлакат соғлиқни сақлаш вазири Михаил Мурашко маълум қилди.

Фото: Григорий Сысоев / РИА Новости

"Россия компанияси ишлаб чиққан дори воситаси қатор давлатлардаги ҳамкасбларимиз томонидан синовдан ўтказилди. Қисқа вақт ичида клиникаолди тадқиқотлари баҳоланади", деди у.

Дорининг клиник тадқиқотлари 10-12 кундан сўнг бошланади, дея қўшимча қилди вазир.

Маълумотларга кўра, Россияда коронавирусга чалинганлар сони 18 мингдан ошган, 148 киши вафот этган. Кўплаб регионларда ўзини ўзи изоляция қилиш режими жорий этилган.