Япония ҳудудида 6 майгача фавқулодда вазият режими амал қилади

Шу кунгача фавқулодда вазият режими Токио, Осака ва бешта префектура ҳудудида эълон қилинганди.

Фото: РИА Новости

Японияда фавқулодд вазият режими бутун мамлакат бўйича 6 майгача амал қилади. Бу ҳақда иқтисодиётни тиклаш ишлари вазири Ясутоси Нисимура маълум қилди.

"Одамлар ҳаракатланишини камайтириш – кечиктириб бўлмайдиган вазифа", - деб таъкидлади у.

Шу кунгача фавқулодда вазият режими Токио, Осака ва бешта префектура ҳудудида эълон қилинганди.

Вирус тарқалиши давом этаётганлиги сабабли режим мамлакатнинг бошқа ҳудудларида ҳам жорий этилди.

Маълумотларга кўра, Японияда коронавирусга чалиниш билан боғлиқ 9 мингга яқин ҳолат қайд этилган, 178 киши вафот этган.

Тайёрлаган Дилшод Аскаров

#Япония #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.