Жиззахда ҳайдовчи ухлаб қолгани оқибатида «Дамас» ағдарилиб кетди

Жорий йилнинг 17 апрель куни соат 07:30ларда Жиззах вилояти, Ш.Рашидов тумани, Самарқандқудуқ МФЙ ҳудудидан ўтган “Жиззах-Мирзачўл” 4Р-38 автомобиль йўлининг 33-км.да йўл-транспорт ҳодисаси содир бўлди.

Ўзбекистон Республикаси ИИВ ЙҲХББ ахборот хизмати хабарига кўра, "Жиззах-Пахтакор" йўналиши бўйича ҳаракатланиб кетаётган ҳайдовчи, 2001 й.т. Қ.Н. “Дамас” русумли транспорт воситасида бошқарув вақтида ухлаб қолиб, бошқарувни йўқотган ва транспорт воситаси йўлдан чиқиб кетиб ағдарилган.

Натижада, “Дамас” русумли транспорт воситаси йўловчиси, 1980 й.т. Н.Х. тан жароҳати олиб шифохонага ётқизилган.

“Ҳурматли йўл ҳаракати иштирокчилари, карантин вақтида заруратсиз кўчага чиқмаслигингизни, зарурат билан чиққан вақтингизда ҳам “Йўл ҳаракати қоидалари”га амал қилишингизни сўраб қоламиз”, - дейилган маълумотда.