Қўшимча функционаллар
-
Тунги кўриниш
Жанубий Кореяда коронавирус сабабли киритилган чекловларнинг бир қисми бекор қилинди
Жанубий Кореяда коронавирус сабабли киритилган ижтимоий масофалашув бўйича бир қатор чоралар 16 кунга узайтирилди, бироқ коронавирус фаол тарқалган вақтда жорий қилинган чекловларнинг бир қисми бекор қилинди.
Бу ҳақда Жанубий Корея бош вазири Чон Се Гюн маълум қилди.
“Қатъий ижтимоий масофалашувни қўллаб-қувватлаш энг хавфсиз ҳисобланади, бироқ аслида бу осон эмас. Биз олтин ўртани топишимиз лозим. Агар жорий даражадаги барқарор бошқарувни сақлаб қололсак, унда 6 майдан оддий ижтимоий масофалашувга ўтамиз”, деб айтган бош вазир ҳукумат амалдорлари билан йиғилишда.
Таъкидланишича, бу зарур эҳтиёткорлик чораларига амал қилган ҳолда нормал иқтисодий фаолиятни тиклашга имкон беради.
Чекловларни юмшатиш ҳақидаги қарор 19 апрелда мамлакатда касалланганлар сони бир кун ичида 8 нафаргагина кўпайгани маълум қилингандан кейин қабул қилинган. Икки ой ичида илк бор янги касалланиш ҳолатлари 10тадан камроқ бўлган.
Чекловларнинг юмшатилиши черковларга бориш ва спорт мусобақаларининг томошабинларсиз ўтказилишига рухсат берилишини назарда тутади.
19 апрель ҳолатига кўра, Жанубий Кореяда коронавирусга чалинганлар сони 10661 кишини, ундан вафот этганлар сони 234 нафарни ташкил қилган.
Коронавирус
Мавзуга оид
13:32 / 14.05.2026
Кореяга ишга юборишдаги йирик схема: Kun.uz бу ҳақда уч йил олдин бонг урган эди
19:26 / 06.05.2026
Жанубий Кореянинг собиқ биринчи хонимига нисбатан ҳукмни оғирлаштирган судья ўлик ҳолда топилди
16:10 / 27.04.2026
Жанубий Корея Ўзбекистонда АТ таълими учун 14 млн доллар грант ажратади
22:00 / 17.04.2026