Етказиб берувчилардан махсус комбинезон кийиш талаб этилади – Махсус комиссия қарори

Ўзбекистонда карантин чекловлари 10 майга қадар узайтирилиши муносабати билан, Республика махсус комиссияси янги чораларни белгилади.

Фото: РИА Новости / Наталья Селиверстова

Эндиликда етказиб бериш хизматини кўрсатувчи лицензиясига эга бўлган, йўналишсиз таксилар ҳайдовчилари “махсус комбинезон” (шахсий химоя кийими), тиббий қўлқоп ва ниқобларда фаолият олиб бориши лозим.

Йўловчи ташиш фаолияти билан боғлиқ барча лицензиялар бўйича ариза қабул қилиш ва лицензияларни кўриб чиқиш ва бериш 2020 йил 10 майгача қадар вақтинча тўхтатилади.

Бундан ташқари, карантин даврида муддати тугайдиган барча рухсат бериш хусусиятига эга бўлган ҳужжатлар (лицензия ва рухсатномалар) ҳамда шахсни тасдиқловчи ҳужжатларнинг (фуқаролик паспорти, Ўзбекистонда яшаш рухсатномаси), автотранспорт воситалари учун талаб қилинадиган ҳужжатлар (суғурта полиси, транспортни бошқариш учун ишончнома, транспорт воситасини (қайта) рўйхатдан ўтказганликни ҳамда техник кўрикдан ўтганлигини тасдиқловчи ҳужжатлар) амал қилиш муддати 2020 йил 1 июлга қадар узайтирилади. Уларнинг муддати ўтгани муносабати билан жавобгарлик ва бошқа чоралар қўлланилмайди.

Хорижий фуқароларга берилган виза муддатлари жорий йилнинг 1 июнгача автоматик тарзда узайтирилди.

Бозорларда «зигзаг» тартибига ўтилади, ноозиқ-овқат буюмларнинг сайёр савдосига рухсат берилмоқда

Хусусий тиббиёт ташкилотларига коронавирусни аниқлаш учун тест ўтказишга рухсат берилади