АҚШ Хитойни коронавирусни текширувчи сифатсиз тестлар етказиб берганликда айблади

Хитой АҚШга коронавирусни текшириш учун сифати паст ва ҳаттоки қалбаки тест тўпламлари етказиб берганликда айбланмоқда.

Фото: Drew Angerer/Getty Images

Бу ҳақда Оқ уйнинг иқтисодиёт бўйича маслаҳатчиси Питер Наварро маълум қилди.

“Хитой ҳозир бизни бу сифатсиз тестлар билан тўлдириб ташламоқда. Биз Хитой бундай қалбаки тест тўпламлари олиб киришига йўл қўя олмаймиз”, деб айтган Наварро Fox News телеканали эфирида.

У Пекинни юзага келган вазиятдан “мўмайгина пул қилиш”да айблаган ва Хитой бу иши ҳамда ўз ҳудудида коронавирус тарқалишини бостира олмагани учун жавоб бериши кераклигини айтган.

Тайёрлаган Шуҳрат Раҳимов

#АҚШ #Хитой #тест #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.