Москва мусулмонлари МДҲ мамлакатларидан келган мигрантларга ёрдам бермоқда
Мигрантларни руҳан ва инсоний жиҳатдан қўллаб-қувватлаш Россия пойтахти ислом ҳамжамияти, хусусан, “Закот” мусулмонлар хайрия жамғармаси фаолиятининг устувор йўналиши бўлиб қолади, деди жамғарма директори Рифат Измайлов.
"Коронавирус эпидемияси сабабли кўплаб корхона ва ташкилотлар, жумладан қурилиш соҳасидаги ишларнинг тўхтаб қолиши бизнинг олдимизга Россия пойтахтида яшаётган мигрантлар, уларнинг оилаларини зудлик билан қўллаб-қувватлаш масаласини қўйди", - деди Измайлов.
У бугунги кунда Қирғизистон, Тожикистон ва Ўзбекистондан бўлган 500дан ортиқ оилага озиқ-овқатлар етказиб берилганини айтди.
Жамғарма директорининг сўзларига кўра, Россия мусулмонлари Сурия, Ливан, Чад, Бангладеш ва бошқа давлатлардаги диндошларига ёрдам кўрсатган.
"Аммо энди биз билан бирга яшаётган ва меҳнат қилаётган МДҲ мамлакатларидан келганларга эътибор қаратиш вақти келди. Афсуски, аллақандай гуруҳлар ҳамюртларимизни талаётгани ва ОАВда буни мигрантларга ағдариб мақолалар ёзилаётгани салбий роль ўйнамоқда", - деб таъкидлади Измайлов.
Жамғарма раҳбари МДҲ мамлакатлари элчихоналарини Қирғизистон, Тожикистон ва ўзбекистонлик мигрантларга манзилли ёрдам кўрсатишга Москва ислом ҳамжамияти билан биргаликда эътибор қаратишга чақирди.
Мавзуга оид
20:45 / 28.09.2024
Россияда мактаб директори ота-оналарга мигрантлар туфайли ўзбек тилини ўрганишни таклиф қилди
18:54 / 28.09.2024
Россияда Ўзбекистон фуқароларига паспорт олишда ноқонуний ёрдам берган жиноий гуруҳ ушланди
12:12 / 28.09.2024
Москвада 72 ёшли америкалик ёлланма фаолият учун судланмоқда
20:50 / 26.09.2024