Эронда душанбадан бошлаб масжидлар очилади

Мамлакатда коронавирус сабабли киритилган чекловлар бекор қилина бошланди – дўконлар, боғлар ва бозорлар очилган, шаҳарлараро автомобил йўлларида ҳаракатланиш тикланган.

Фото: Anadolu

Эроннинг қатор туманларидаги масжидлар душанба кунидан очилиши режалаштирилган. Бу ҳақда мамлакат президенти Ҳасан Руҳоний маълум қилди.

Унинг сўзларига кўра, мамлакатнинг коронавирус юқиш хавфи минимал деб топилган 132та туманидаги масжидлар очилади.

Ҳукумат карантин чораларини босқичма-босқич юмшатиш режасини ишлаб чиқмоқда. Ўтган ҳафтада Руҳоний яқин вақт ичида чеклов чоралари юмшатиладиган ҳудудлар рўйхати эълон қилинишини маълум қилганди.

Эронда коронавирусга чалинганлар сони 97,4 мингдан ошган, 6200 киши вафот этган.

Тайёрлаган Дилшод Аскаров

#Эрон #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.