Ким Чен Ин Си Цзиньпинни коронавирусга қарши курашдаги муваффақият билан табриклади

Шимолий Корея етакчиси Ким Чен Ин Хитой раиси Си Цзиньпинга оғзаки мурожаат йўллаб, Хитойни коронавирусни бартараф этишда эришган муваффақият билан табриклади.

Фото: AP Photo / Xinhua/Ju Peng

Бу ҳақда Корея марказий телеграф агентлиги маълум қилди.

Ким Чен Ин ўз мурожаатида Хитойнинг муваффақиятларидан худди ўзиники каби хурсандлигини айтган ва Си Цзиньпиннинг эпидемиологик вазият устидан ўрнатган тактик ва стратегик назоратини қайд қилиб ўтган.

Шунингдек, Шимолий Корея етакчиси хитойлик ҳамкасбига мустаҳкам соғлиқ тилаган ва Хитой коронавирусга қарши курашда эришган ютуқларини янада мустаҳкамлай олишига ва якуний натижада “Си Цзиньпиннинг доно раҳбарлиги остида” ғалабага эришишига ишонч билдирган.

Ким Чен Иннинг фикрича, Шимолий Корея ва Хитой партиялари ўртасидаги муносабатлар тарихнинг турли синовлари ва чақирикларини енгиб, янада мустаҳкам кўриниш олган.

Мурожаат Хитой етакчисига қандай етказилгани маълум қилинмаган.

Хитойда охирги кун ичида коронавирусга чалиниш бўйича бор-йўғи битта ҳолат қайд этилди.

Тайёрлаган Шуҳрат Раҳимов

#Ким Чен Ин #Си Цзиньпин #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.