Қўшимча функционаллар
-
Тунги кўриниш
Олимлар Марсдан Ерга янги вируслар олиб кирилиши мумкинлигидан огоҳлантиришди
Мутахассислар келажакда фазогирлар Марсга парвоздан кейин карантиндан ўтишлари кераклигини айтишмоқда. Уларнинг фикрича, йўқса Қизил сайёрадан Ерга янги вируслар олиб кирилиши мумкин.
Фото: NASA/JPL/University of Arizona
Стэнфорд университети профессори Скотт Хаббарднинг таъкидлашича, Марсдаги тупроқ жинслари билан бирга Ерга янги вируслар олиб кирилиши мумкин.
Унинг айтишича, бошқа сайёрадан Ерга вируслар тупроқ, фазовий кемалар ҳамда фазогирларнинг ўзлари билан тушишига йўл қўймаслик учун муайян йўриқномалар ишлаб чиқилиши лозим.
“Барча тизимлар кимёвий тозалаш ва иссиқлик билан стериллашдан ўтиши керак. Намуналар сақланган пробиркаларга худди уларда Эбола вируси бордек ишлов берилиши лозим”, деб айтган олим.
Хаббарднинг таъкидлашича, Марсдан қайтган фазогирлар Ойга илк қадам қўйган фазогирлар каби карантиндан ўтишлари лозим.
Шу билан бирга олим Қизил сайёра сиртидан олинган жинслар билан бирга сайёрамизга вируслар олиб кирилиши эҳтимоли озлигини таъкидлаб ўтган.
Маълумотларга кўра, NASA тахминан 2035 йилда Марсга фазогирлар юборишни режалаштирмоқда.
Мавзуга оид
19:20 / 16.03.2026
Касалланганларнинг ўлим кўрсаткичи 90 фоизгача етиши мумкин: инсониятни хавотирда ушлаб турган 10 та вирус
07:15 / 25.02.2026
90 фоизгача ўлим: инсониятни қўрқитган 10 вирус
18:57 / 09.02.2026
Илон Маск энди Марс эмас, Ойда шаҳар яратиш устувор эканини айтди
08:07 / 02.02.2026