Французлар қайта изоляцияга тайёр туришга чақирилди

Душанба куни Франция конституцион суди мамлакатнинг қатор чекловлар сақланган ҳолда изоляциядан чиқиши тўғрисидаги қонунни тасдиқлади.

Фото: AFP / Mehdi Taamallah

Францияда коронавирус тарқалиши сабабли жорий этилган изоляция режимидан чиқиш стратегияси координатори Жан Кастекс аҳолини қайтадан оммавий изоляцияга тайёр туриш ҳақида огоҳлантирди.

"Фавқулодда қайта изоляция кўзда тутилиши шарт", - деб ёзди Кастекс мамлакатда чекловлар юмшатилишининг дастлабки кунида.

У ноозиқ-овқат дўконларининг очилиши, айрим корхоналар, кутубхоналар, кичик музейларнинг фаолият бошлашига чекловларни қайтаришни, жамоат транспортида ҳимоя ниқобларини тақиш мажбурийлигини таъминлашга чақирди.

"Вакцина ёки даволаш усули яқин муддатларда бўлмас экан, Франция аҳолиси эпидемия қайтарилиши олдида ожиз қолади", - деди Кастекс.

Мамлакат соғлиқни сақлаш вазирлиги маълумотларига кўра, Францияда охирги суткада 263 бемор вафот этган (бир кун аввал 70 киши), жами ўлимлар сони 26,6 мингдан ошган. Бир кун ичида коронавирусга чалиниш билан боғлиқ 456та янги ҳолат аниқланган, 140 мингга яқин киши коронавирус юқтирган.

#Франция #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.