Банк секторининг асосий муаммолари маълум қилинди
Президент «2020–2025 йилларга мўлжалланган Ўзбекистон Республикасининг банк тизимини ислоҳ қилиш стратегияси тўғрисида»ги фармонни имзолади.
Молия вазирлиги хабарига кўра, бугунги кунда банк секторининг асосий муаммолари қуйидагилардан иборат:
Давлат ресурсларига юқори боғлиқлик ва имтиёзли кредитларнинг юқори улуши - умумий портфелининг 60 фоиздан ортиқ;
Молиявий барқарорликнинг етарли эмаслиги - 2017-2019 йилларда юқори ликвидли активларнинг улуши 23 фоиздан 11 фоизгача камайди;
Хавфларнинг юқори концентрацияси - давлат иштироки мавжуд ҳар банкнинг топ-10 қарз олувчилари улушига умумий кредит портфелининг 36 фоизи тўғри келади;
Давлатнинг доминант ўрни - активларнинг 85 фоизи;
Молиявий хизматларнинг паст даражадаги мавжудлиги - кредитларнинг фақат 19 фоизи жисмоний шахсларга тўғри келади (дунёда - 40 фоиз).
Билдирилишича, стратегия 4та асосий вазифани ҳал қилиш имконини беради. Булар:
Банк тизими самарадорлигини ошириш;
Унинг молиявий барқарорлигини таъминлаш;
Секторда давлат улушини камайтириш;
Хизматлар кўлами ва сифатини яхшилаш.
Мавзуга оид
07:50 / 23.09.2024
Банк сири соҳасидаги ҳужжатларга ўзгартириш ва қўшимчалар киритилмоқда
08:50 / 20.09.2024
Солиқ қўмитаси икки банкни жавобгарлик чоралари тўғрисида огоҳлантирди
08:40 / 19.09.2024
Учта банкнинг 148 ходими тадбиркорлик билан шуғуллангани аниқланди
17:46 / 12.09.2024