Қашқадарёда тарвуз экспортга тайёрланмоқда

Деҳқонлар мамлакат бўйлаб тарвуз етказишни бошлаб юборган.

Фото: bojxona.uz

Қашқадарё вилояти Чироқчи туманида тарвуз етиштиришнинг ўзига хос мактаби яратилган, деб хабар бермоқда «Ўздавкарантин» инспекцияси ахборот хизмати

Туман деҳқонлари мамлакатда биринчилардан бўлиб тарвуз етиштиради. Шу йил ҳам анъанани сақлаб қолган деҳқонлар мамлакат бўйлаб тарвуз етказишни бошлаб юборган.

Билдирилишича, ҳудудда тарвуз етиштириш ҳажми ва кўлами йилдан-йилга кўпаймоқда.

«Ушбу тарвуз етиштирилаётган далаларда Қашқадарё вилоят Ўсимликлар карантини ҳудудий инспекцияси агроном инспекторлари томонидан мунтазам равишда ўсимлик касалликлари ва зараркунандаларига қарши назорат олиб борилмоқда», - дейилади маълумотда.