Хитой тиббий товарлар экспортидан деярли 20 млрд доллар ишлаб олди

Хитой коронавирус пандемияси ортида катта миқдорда тиббий товарлар экспорт қилиш ортидан 2,5 ой ичида деярли 20 млрд доллар ишлаб олди.

Фото: REUTERS

Хитой 1 мартдан 16 майгача давр ичида 134,4 млрд юанлик (19,5 млрд доллар) тиббий товарлар экспорт қилди. Бу ҳақда Хитой божхона хизмати маълумотларига таяниб “Интерфакс” ахборот агентлиги хабар берди.

Таъкидланишича, Хитой хорижга 509 млнта ниқоб, 216 млнта ҳимоя кийими, 810,3 млнта ҳимоя кўзойнаги, коронавирусни аниқлаш учун 162 млнта тест тўплами, 727 мингта ўпкани сунъий шамоллатиш қурилмаси, 264,3 млнта инфрақизил термометр (тепловизор) ва 10,4 млн жуфт жарроҳлик қўлқопи жўнатган.

Ушбу тиббий буюмларнинг асосий харидорлари АҚШ, Германия, Япония, Франция ва Италия бўлган.

Тайёрлаган Шуҳрат Раҳимов

#Хитой

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.