Япония ЖССТга нисбатан тергов ўтказиш ташаббусини билдирди

Япония Жаҳон соғлиқни сақлаш ташкилотининг коронавирус пандемиясига қанчалик даражада тўғри жавоб берганини тергов қилишга чақирмоқда.

Фото: EPA

Бу ҳақидаги тегишли таклиф ЖССТнинг 18 майда бошланадиган умумий йиғилишида билдирилади, деб хабар берди The Mainichi нашри.

Япония бош вазири Синдзо Абэнинг таъкидлашича, йиғилишда Япония Европа иттифоқига ЖССТнинг пандемияга қанчалик тўғри муносабат билдирганининг адолатли ва мустақил тергови ўтказилишини таклиф қилади.

Таъкидланишича, ЖССТга нисбатан терговни мустақил орган олиб бориши керак.

Аввалроқ АҚШ президенти Дональд Трамп ЖССТни Хитойга ён босишда ҳамда ёмон бошқарувда ва коронавирус тарқалиши кўлами ҳақидаги маълумотларни яширганликда айблаганди.

#Япония #ЖССТ

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.