Самарқандда учта туманда ИИБ бошлиғи ўзгарди

Майор Улуғбек Анварович Халимов Самарқанд вилояти Нарпай тумани ИИБ бошлиғи лавозимига тайинланди. Тайинловга қадар У.Халимов ИИВ Ўз хавфсизлиги бошқармаси Самарқанд вилояти бўйича бўлими катта тезкор вакили лавозимида фаолият юритган.

Нарпай тумани ички ишлар бўлимига 2017 йил августидан буён подполковник Тожиддин Эшназаров раҳбарлик қилиб келаётганди.

Майор Сирожиддин Саъдуллаевич Ортиқов Самарқанд вилояти Пахтачи тумани ИИБ бошлиғи лавозимига тайинланди. Тайинловга қадар у вилоятнинг Иштихон тумани ИИБ бошлиғи лавозимида фаолият юритган.

2018 йил августидан подполковник Ботирали Санақулов Пахтачи тумани ИИБ бошлиғи вазифасини бажарувчи эди.

Ўз навбатида Сирожиддин Ортиқов ўрнига Иштихон туманига подполквоник Сурач Садрединович Шарипов янги бошлиқ этиб тайинланган.

У бунгача Самарқанд вилояти ИИБ Патруль-пост хизмати ва жамоат тартибини сақлаш бошқармаси бошлиғининг ўринбосари лавозимида фаолият юритган.