I чоракда Қозоғистон ва Ўзбекистон ўртасидаги савдо ҳажми пасайди

Бу ҳақда «Интерфакс-Қозоғистон» агентлигига «QazTrade савдо сиёсатини ривожлантириш маркази» АЖ матбуот хизмати маълум қилди.

«Ўзаро савдо ҳажмининг салбий ўсиши Қозоғистон экспортининг камайиши билан боғлиқ. Жорий йилнинг I чорагида нефть маҳсулотлари, мис рудалари, кунгабоқар уруғлари каби маҳсулотлар экспорти камайди», - дейилади хабарда.

Ҳисобот даврида Қозоғистон товарларининг Ўзбекистонга экспорти 5,2 фоизга камайиб, 464,8 миллион долларни ташкил қилди. Шу билан бирга, Қозоғистондан Ўзбекистонга импорт 12,2 фоизга ўсиб, 147,2 миллион долларга етди.

Тақдим этилган маълумотларга кўра, Ўзбекистонга экспортнинг пасайиши нефть маҳсулотлари (4,8 бараварга - 7,6 млн. АҚШ долларигача), мис рудалари ва концентратларнинг (44 баравар, 22 млн. АҚШ долларидан 0,5 млн. АҚШ долларигача) ва кунгабоқар уруғи (2,6 баравар, 9,4 млн) каби товарларни етказиб бериш ҳажмининг камайгани билан изоҳланади.