БАА Марсга зонд жўнатади

Араб олимлари Марс ҳақида маълумотлар тўплаш учун унга ўзларининг илк зондларини учиришмоқчи. Зонд июль ўрталарида учирилиши режалаштирилган.

БАА 15 июлда Япониянинг Танэгасима оролидаги космодромдан Марсга илк зондини учирмоқчи. Бу ҳақда Phys.org нашри маълум қилди.

Зонд Hope – “Умид” деб номланган. У Марсга етиши ва унинг орбитасига чиқиши учун 495 млн километрлик масофани учиб ўтиши керак бўлади.

Қурилма камера, ҳарорат режимларини ўрганиш учун инфрақизил спектрометр, Марс атмосферасининг юқори қатламларини ўрганиш ва унда кислород ҳамда водород изларини топиш учун ултрабинафшаранг спектрометр билан жиҳозланган.

Зонд уни электр энергия билан таъминлаб турадиган қуёш панелларига эга.

“Зонднинг синовлари ўз маррасига етмоқда ва 2 ойдан кейин Марсга учувчисиз парвоз амалга ошиши керак”, деб айтган лойиҳа раҳбарларида бири Умрон Шараф.