Қўшимча функционаллар
-
Тунги кўриниш
Тошкентда аёл кишининг мотоскутерини ўғирлаган шахс қўлга тушди
22 май куни соат тахминан 15:00лар атрофида Тошкент шаҳар Мирзо Улуғбек туманида мотоскутер олиб кетаётган шахс Миллий гвардия ҳарбий хизматчилари эътиборини тортган.
Фото: Миллий гвардия
Миллий гвардия матбуот хизматидан хабар қилишларича, фуқаро ҳарбий хизматчилар нигоҳидан қочиш ниятида шошилинч ҳаракатлар қилиб шубҳа уйғотгани боис тўхтатилган. Тегишли ҳужжатлар сўралганда тақдим этолмагани сабабли Яшнобод тумани ИИБ ФМБга олиб борилган.
«Ўрганиш натижасида шубҳали шахс 1992 йилда туғилган, Тошкент шаҳар Сергели туманида яшовчи М.Б. экани ва “CELIMO” русумли мотоскутерни Яшнобод тумани Авиасозлар даҳаси Қорасув кўчаси 4-уй олдидан ўғиргани аниқланди.
Мотоскутер ўз эгаси фуқаро Л.Назаровага топширилди. Фуқаро Назарова Миллий гвардия ҳарбий хизматчиларига тезкор амалий ёрдам учун миннатдорчилик билдирди», – дейилади хабарда.
Ҳозирда ҳолат юзасидан суриштирув ишлари олиб борилмоқда.
