Қўшимча функционаллар
-
Тунги кўриниш
Бектемирдаги мактабларда ZOOM орқали сўнгги қўнғироқ чалинди
Ўзбекистон мактабларида пандемия шароитидаги онлайн дарслар билан ёдда қолган 2019-2020 ўқув йили 25 май куни якунига етди.
Фото: Бектемир туман ХТБ
Карантин чекловлари туфайли битирувчиларнинг анъанавий «Сўнгги қўнғироқ» тадбирлари ҳам ўтказилмади.
Шунга қарамай, маълум бўлишича, Тошкент шаҳрининг Бектемир туманида бу анъанавий маросим ўзгача тарзда – ZOOM дастури орқали ташкил этилган.
Туман халқ таълими бўлимидан Kun.uz`га маълум қилишларича, масофадан ўтказилган мазкур тадбирни ўтказишда носозликлар юзага келмаслиги учун туманнинг барча ўрта таълим муассасалари учун алоҳида вақтлар белгиланган ва мактаб битирувчилари сўнгги қўнғироқ садоларини эшитишга муваффақ бўлган.
Масофавий тадбирда ўқувчи ва битирувчилардан ташқари, Бектемир тумани халқ таълими бўлими мутасаддилари, мактаб раҳбарлари ва ўқитувчилар ҳам қатнашишган.
Маълумот учун, якунланган ўқув йилида тумандаги мактабларни 586 нафар 11-синф битирувчилари тарк этишмоқда.
Коронавирус Ўзбекистонда
Мавзуга оид
15:02
Айрим мактаб ходимларига устамалар тўлаш такомиллаштирилади
16:35 / 23.12.2024
1 январга ўтар кечаси Тошкент метрополитени иш жадвали 2 соатга узайтирилади
18:02 / 21.12.2024
Фаолиятда қонун бузилиши, сертификатсиз ўқитувчилар ва норози ота-оналар – “NEWTON ACADEMY” ўқув маркази ҳақида нималар маълум?
12:08 / 21.12.2024