Японияга Қирғизистон ва Тожикистон фуқаролари кириши тақиқланди
Япония ҳукумати коронавирус пандемияси сабабли 11 та давлат фуқароларининг мамлакатга киришини тақиқлади. Бу ҳақда Япония бош вазири Синдзо Абэ маълум қилган.
Ушбу тақиқлов 27 майдан бошлаб амал қилади. Японияга Қирғизистон, Тожикистон, Ҳиндистон, Афғонистон, Покистон, Бангладеш, Аргентина, Сальвадор, Гана, ЖАР ва Гвинея фуқароларининг кириши тақиқланади. Бу давлатлар Япония ташқи ишлар вазирлигида эълон қилинган “тақиқланган давлатлар ва ҳудудлар” (ҳаммаси бўлиб 188 та) рўйхатига қўшилган.
Ўтган ҳафта Япония ҳукумати юқорида санаб ўтилган 11 давлат учун “сафарлар хавфлилиги” даражасини 3-даражагача оширганди. Бу, шунингдек, ушбу давлатларга сафарлардан тўлиқ воз кечилишини англатади. Умуман олганда, хавфлилик шкаласи 4 та даражадан иборат бўлиб, биринчиси энг юмшоғи бўлиб, тўртинчисида одамларни эвакуация қилиш тавсия қилинади.
Мавзуга оид
20:42 / 26.09.2024
Япония ўзининг разведка сунъий йўлдошини орбитага учирди
14:06 / 26.09.2024
Японияда суд 56 йил аввалги қотиллик учун ўлимга ҳукм қилинган эркакни оқлади
10:30 / 24.09.2024
Россия самолёти бир кунда Япония ҳаво чегараларини уч марта бузди
21:07 / 20.09.2024