Бразилияда учинчи кун коронавирусга чалиниш бўйича рекорд қайд этилмоқда

Бразилияда учинчи кун коронавирусга чалиниш бўйича рекорд қайд қилинмоқда. Лотин Америкаси давлатида сўнгги суткада 33274 киши коронавирусга чалингани аниқланган.

Фото: EPA

Мамлакатда 28 майда 26417 та ва 29 майда 26928 та касалланиш ҳолати қайд этилганди.

Мамлакатда коронавирусга чалинганлар умумий сони 498440 нафарга етган.

Сўнгги суткада коронавирусдан ўлим сони 956 тани ташкил қилиб, вафот этганлар сони 28834 нафарга етган. 200 мингдан кўпроқ киши соғайиб кетган.

Бразилия соғлиқни сақлаш вазирлиги маълумотларига кўра, мамлакатда коронавирусдан 100 минг аҳолига 237,2 нафар касалланган ва 13,7 нафар вафот этган тўғри келмоқда. Касалланганлар орасида вафот этганлар улуши 5,8 фоизни ташкил қилмоқда.

Мамлакат ҳозирда коронавирусдан касалланганлар сони бўйича АҚШдан кейин дунёда 2-ўринни, вафот этганлар сони бўйича АҚШ, Британия ва Италиядан кейин 4-ўринни эгалламоқда.

Тайёрлаган Шуҳрат Раҳимов

#Бразилия #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.