Трамп губернаторлар ва мэрларни кеч бўлмасдан Миллий гвардиядан фойдаланишга чақирди

АҚШ президенти демократик партия аъзолари бўлган губернаторлар ва мэрларни кеч бўлмасдан кўчадаги тартибсизликларни бостириш учун Миллий гвардияни жалб қилишга чақирди.

«Миллий гвардияни Миннеаполисга етиб келиб кечиктирмасдан аъло даражада бажарган иши билан табриклайман. «Антифа» (америкалик антифашистлар ҳаракати) нинг сўл анархистлари, бошқалар каби тезда тўхтатилди, — деб ёзган Трамп ўз Twitter’ида. — бу ҳаракатлар мэр (демократ Жейкоб Фрей) томонидан [тартибсизликларнинг] биринчи оқшомидаёқ бажарилиши керак эди ва муаммо пайдо бўлмасди».

«Штат ва шаҳарларга етакчилик қилаётган бошқа демократлар Миннеаполисда ўтган тунда сўл радикал анархистлар қай тарзда тўлиқ тўхтатилганига эътибор қаратишлари керак. Миллий гвардия аъло даражада ишлади ва кеч бўлмасидан туриб, бошқа штатларда ҳам ундан фойдаланиш керак», — деган АҚШ президенти.

АҚШ давлат раҳбари «ёлғончи ОАВ»ларни «тоқатсизлик ва анархия уруғини сочиш»да айблаган.

Трамп Миннеаполиснинг декмократ мэрини шаҳардаги вазиятга кечикиб реакция билдиргани учун бутун ҳафта мобайнида аёвсиз танқид қилиб келади. Президент мэрни ҳаттоки «сўл радикал» ҳам деб атаган ва уни иродаси бўш раҳбар, деб характерлаган. Фрей ҳам бунга жавобан Оқ уй раҳбарини танқид остига олган.

Америка Миллий гвардияси қисмлари ҳар бир штатда дисколация қилинган ва улар президент ҳамда губернаторларга бўйсунади. Миллий гвардия АҚШ Армияси (қуруқликдаги пиёда қўшинлар) ва ҲҲКнинг ташкилий захираси бўлиб, улардан табиий офат оқибатларини бартараф этиш ва тартибни сақлашда фойдаланилади. АҚШ президенти қарорига кўра, Миллий гвардия қуролли кучларга ёрдам бериши ҳам мумкин, жумладан мамлакат ташқарисида ҳам.