Сўх тумани Ички ишлар бўлимига янги раҳбар тайинланди

Сўх тумани Ички ишлар бўлимига янги раҳбар тайинланди. Бу ҳақда туман ҳокимлиги матбуот хизмати хабар берди.

3 июнь куни бўлиб ўтган Халқ депутатлари Сўх тумани кенгашининг навбатдан ташқари олтинчи сессиясида Қосимжон Раҳимбердиев Сўх туман Ички ишлар бўлими бошлиғи этиб тайинланди.

Сўх тумани матбуот хизмати хабарига кўра, туман ИИБнинг янги раҳбари Сўх туманида туғилган.

Тайинловга қадар Қ.Рахимбердиев Тошкент шаҳар Мирзо Улуғбек тумани бўйича ИИО ФМБ бошлиғининг ўринбосари-тергов бўлинмалари фаолиятини таҳлил қилиш бўлинмаси бошлиғи лавозимида фаолият юритган.

Шунингдек, Маъмуржон Ботиров туман ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари – иқтисодий тараққиёт ва камбағалликни қисқартириш бўлими бошлиғи лавозимига тайинланган.

Бобосодиқ Латипов эса туман ҳокимининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосари лавозимига айланган.

Эслатиб ўтамиз, 2019 йилдан буён Сўх тумани Ички ишлар бўлими бошлиғи вазифасида ишлаб келаётган Сайидбаҳром Сайидмусаев Сўх тумани ҳокими этиб тайинланган эди.