British Airways, Ryanair ва easyJet авиакомпаниялари карантин сабабли Британия ҳукуматини судга бермоқчи

Авиакомпанияларнинг фикрича, ҳукумат қарор чиқараётганида соҳа вакиллари билан маслаҳатлашмаган.

Фото: Simon Dawson / Reuters

8 июнь куни Буюк Британия ҳукумати мамлакатга кириб келадиган барча шахслар учун икки ҳафталик карантин жорий этди. Ушбу тартибни бузганлар минг фунт стерлинг жарима тўлайди.

British Airways, Ryanair ва easyJet авиакомпаниялари ушбу қарорнинг илмий исботи йўқ деб ҳисобламоқда. Бундан ташқари, уларнинг фикрича, ҳукумат қарор чиқараётганида соҳа вакиллари билан маслаҳатлашмаган.

British Airways ҳукуматни судга бериш билан таҳдид қилганди. Компания карантин бўйича янги қоидалар унинг июлда рейсларининг 40 фоизини тиклаш режасига халақит берган.

Бундан ташқари, авиакомпания кунига 20 млн фунт стерлинг йўқотмоқда ва ҳеч қандай даромад олмаяпти.

11 июнь куни Evening Standard нашри ўз манбаларига таяниб, инқироз сабабли British Airways ўз коллекциясидаги санъат асарларини сотишни бошлаганини ёзганди.

Тайёрлаган Дилшод Аскаров

#Буюк Британия #авиакомпания

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.