Халқаро туризм пандемия вақтида қанча даромад йўқотгани маълум қилинди

Дунёда жорий йилнинг илк 4 ой ичида туризмдан олинадиган даромад пандемия сабабли 195 млрд долларга қисқарди. Бу ҳақда БМТнинг Жаҳон сайёҳлик ташкилоти баёнотида маълум қилинган.

Халқаро ташкилот маълумотларига кўра, январь-апрель ойлари бошқа давлатларга саёҳат қилувчилар сони 97 фоизга қисқарган. Бу эса 195 млрд доллар йўқотилишига олиб келган.

Ташкилот прогнозларига кўра, 2020 йилда хорижий давлатларга саёҳат қилувчилар сони 850 млн-1,1 млрдгача камайиши мумкин. Бунинг оқибатида эса туризмдан олинадиган даромад 910 млрд-1,2 трлн долларгача тушиб кетиши мумкин.

2019 йилда бошқа давлатларга саёҳат қилувчилар сони 1,5 млрд нафарни ташкил қилган. Бу кўрсаткич 2019 йилда бир йил олдингига нисбатан 4 фоиз кўпроқ бўлган.

Тайёрлаган Шуҳрат Раҳимов

#туризм #пандемия

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.