Қўшимча функционаллар
-
Тунги кўриниш
1 миллиард сўмлик уяли телефонларнинг ноқонуний айланмасига чек қўйилди
Товар моддий бойликларини ноқонуний айланмасига қарши божхона органлари томонидан тизимли равишда кураш олиб борилмоқда.
Хусусан, Фарғона вилояти божхона бошқармаси Контрабандага қарши курашиш ва божхона аудити бўлими ходимлари Тошлоқ туманида тезкор тадбир ўтказишди.
Тадбир давомида “Водил-Тошлоқ” йўналиши бўйича ҳаракатланаётган фуқаро Х.А. бошқарувидаги “Нексия-3” русумли автомашина тўхтатилиб, ўрнатилган тартибда холислар иштирокида текширувдан ўтказилди.
Натижада, автомашина юкхонасида тегишли ҳужжатлари бўлмаган умумий қиймати 331 миллион сўмлик 170 дона уяли телефонлар борлиги маълум бўлди.
Шундан сўнг, тезкор тадбир давом эттирилиб, фуқаро Н.Х.нинг яшаш хонадони ҳам ўрнатилган тартибда кўздан кечирилди.
Текширув давомида ушбу шахс ўз яшаш уйида умумий қиймати 718 миллион сўмлик 400 дона уяли телефонларни ноқонуний равишда сақлаб келаётгани аниқланди.
Ўтказилган тезкор тадбирлар давомида, умумий қиймати 1 млрд. 49 миллион сўмлик, жами 7 турдаги 570 дона уяли алоқа воситалари ашёвий далил тариқасида олиб қўйилди.
Ҳозирда юқоридаги ҳолат юзасидан божхона органлари томонидан суриштирув ҳаракатлари давом эттирилмоқда.
Мавзуга оид
21:02 / 22.10.2024
Австралияда тушиб кетган телефонини олишга уринган аёл 7 соат тош орасида қолиб кетди
09:24 / 27.09.2024
Ўтган 8 ойда Ўзбекистонга кунига 10 минг донадан ошиқ телефон олиб кирилгани маълум қилинди
12:14 / 26.09.2024
iPhone 16'даги ўзгаришлар ва “понт” учун 3 карра тўлов — Apple кутилмаларни оқлаяптими?
14:46 / 31.08.2024