Фуқаролари Евроиттифоқ ҳудудига киришига рухсат берилган мамлакатлар рўйхати эълон қилинди

Биринчи босқичда 14 мамлакатга Евроиттифоқ ҳудудига киришга рухсат берилади.

Фото: Getty Images

Еврокенгаш 1 июлдан Евроиттифоқ чегаралари қайси мамлакатлар учун очилаётганлиги тўғрисидаги ҳужжатни эълон қилди.

Биринчи босқичда 14 мамлакатга Евроиттифоқ ҳудудига киришга рухсат берилади. Бунда коронавирус билан боғлиқ вазият ЕИдагидан кўра ёмон бўлмаслиги шарт.

Рўйхатдан Жазоир, Австралия, Канада, Грузия, Япония, Черногория, Марокаш, Янги Зеландия, Руанда, Сербия, Жанубий Корея, Таиланд, Тунис ва Уругвай жой олди. Агарда Хитой 1 июлдан ЕИ аҳолисига ўз ҳудудига киришга рухсат берса, Хитой ҳам ушбу рўйхатга киритилади.

Андорра, Монако, Сан-Марино ва Ватикан каби давлатлар фуқаролари автоматик равишда ЕИ резидентлари ҳисобланади.

ЕК баёнотида айтилишича, рўйхат ҳар икки ҳафтада кўриб чиқилади ва вазиятдан келиб чиқиб янгилаб борилиши мумкин.

Тайёрлаган Дилшод Аскаров

#Евроиттифоқ

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.