Баҳрайнда коронавирусни йўқ қила олувчи робот ишлаб чиқилди
![](https://storage.kun.uz/source/6/PNpgcYu6YD6ZZxV7ou8EdhVlkM_k777b.jpg)
Фото: APCO
Баҳрайнда иншоотларда коронавирус ва бошқа микроорганизмларни йўқ қила олувчи робот синовдан ўтказилмоқда. Қурилма вирусга қисқа тўлқинли ултрабинафша нурланиш ёрдамида таъсир қилади.
Daily Mail нашрининг хабар беришича, робот микроорганизмларнинг мембранасини емириб, 30 дақиқа ичида уларнинг 90 фоизгачасини ўлдиради. Мембрана емирилиши оқибатида организмларнинг ДНКси парчаланади. Таъкидланишича, робот ишлаётган вақтда хонада одамлар бўлмаслиги лозим, чунки ундан чиқаётган нур инсон ҳужайраларига зарар етказиши мумкин.
Робот, шунингдек, 12 тилда гаплашади, тана ҳароратини ўлчайди, овозли буйруқларга жавоб беради ва юзни таниш технологиясини қўллайди.
Шарқий Англия университети профессори Пол Хантернинг таъкидлашича, ултрабинафша нур кўплаб вирусларга қарши самарали восита ҳисобланади ва кенг қўлланади. Жумладан, у ёрдамида ичимлик суви зарарсизлантирилади.
Айни вақтда робот саноат шароитларида синовдан ўтказилмоқда. Бу орада роботнинг иккита нусхаси Баҳрайн тиббий муассасаларида қўлланмоқда.
Таъкидланишича, ултрабинафша нур ёрдамида сиртларни зарарсизлантириш ва вирусларни йўқ қилиш учун мўлжалланган бундай қурилмалар бунгача АҚШ, Хитой ва Данияда ишлаб чиқарилган.
Аввалроқ АҚШнинг Бостон университети олимлари махсус лампаларнинг ултрабинафша нури коронавирусни тез йўқ қила олишини аниқлашганди. Улар ўтказган тажриба квадрат сантиметр юзага 22 мегажоул миқдордаги нурланиш вирусни 25 сонияда 99,9999 фоизга йўқ қилишини кўрсатган.
Мавзуга оид
![](https://storage.kun.uz/source/thumbnails/_medium/10/9SFN8qghFz1LY-nK1KPHjKQ-I4yhP2CP_medium.jpg)
23:14 / 03.09.2024
Кенияда робот официантлар: технология Шарқий Африка ресторан бизнесини ўзгартирмоқда
![](https://storage.kun.uz/source/thumbnails/_medium/10/Va9ENFUdAEqz_b-he1dELUbffWDWVrSX_medium.jpg)
22:34 / 03.08.2024
Сунъий интеллектга эга робот хавфли зоналарга юборилади
![](https://storage.kun.uz/source/thumbnails/_medium/10/OMX4nglVQSkNb_UgCqmr2EYM3E4wuxCa_medium.jpg)
22:54 / 28.05.2024
Хитойда милтиқдан ўқ отадиган робот-итлар намойиш этилди
![](https://storage.kun.uz/source/thumbnails/_medium/10/PyLEZzSLzzEF11WpHgc21Bln12SZPkG8_medium.jpg)
11:31 / 17.05.2024