Болсонару мажбурий ниқоб тақиш тўғрисидаги қонунни бекор қилди

Ўтган ҳафтада Бразилия суди Жаир Болсонаруга жамоат жойларида ниқоб тақиш мажбуриятини қўйганди.

Бразилия президенти Жаир Болсонару жамоат жойлари ва транспортида ниқоб тақишни талаб қиладиган қонунни бекор қилди. Бу ҳақда G1 портали хабар берди.

Болсонару давлат органлари, тижорат, саноат, диний муассасалар ҳамда одамлар тўпланадиган ёпиқ жойларда мажбурий ниқоб тақиш талабига нисбатан вето қўйди.

Муассасалар шунингдек, ўз ходимлари ва мижозларига бепул ниқоб бериш мажбуриятидан озод қилинди.

Болсонару намойишларда бир неча марта ниқобларсиз пайдо бўлган ва коронавирус солаётган хавфни рад этиб келади.

У, шунингдек, пандемия сабабли Бразилиянинг турли штатларида киритилган чекловларни танқид остига олган.

Ўтган ҳафтада Бразилия суди Жаир Болсонаруга жамоат жойларида ниқоб тақиш мажбуриятини қўйганди. https://kun.uz/news/2020/06/24/sud-braziliya-prezidentini-niqob-taqishga-majburlab-qoydi

Бразилияда эпидемия бошланганидан буён 1,5 млн киши COVID-19га чалинган, 61 884 киши вафот этган.

Тайёрлаган Дилшод Аскаров

#Бразилия #Жаир Болсонару

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.