ЖССТ коронавирус пандемияси ҳали энг юқори нуқтасига чиқмаганлигини маълум қилди

Бутун дунёда коронавирус юқтирганлар сони 11 млн 844 мингдан ошган, 543,5 мингдан ортиқ киши вафот этган.

Тедрос Гебрейесус / Фото: Salvatore di Nolfi/EPA

Жаҳон соғлиқни сақлаш ташкилоти раҳбари Тедрос Гебрейесус дунёда коронавирус тарқалиш суръати тезлашганини маълум қилди.

"Суръат тезлашмоқда ва биз пандемия чўққисига етиб келмаганимиз аниқ", — деди у.

Ўтган дам олиш кунлари дунё бўйича COVID-19 юқтириш бўйича 400 мингдан ортиқ ҳолат қайд этилган.

Охирги маълумотларга кўра, бутун дунёда коронавирус юқтирганлар сони 11 млн 844 мингдан ошган, 543,5 мингдан ортиқ киши вафот этган.

Тайёрлаган Дилшод Аскаров

#ЖССТ #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.