Хитойда кўп асрлик қадимий кўприк тошқинлар сабабли вайрон бўлди

Фото: Global Look Press/Shi Yalei/Xinhua

Хитой шарқидаги кучли тошқинлар Мин сулоласи вақтида (1368-1644 йиллар) қурилган кўприкнинг вайрон бўлишига олиб келди.

Хуаншань шаҳридаги Чжэньхай кўприги тарихий аҳамиятдаги объект сифатида давлат муҳофазасида бўлган. Бироқ у кучли ёмғирдан кейин Синьань дарёси томонидан вайрон қилинган.

Маҳаллий аҳоли эвакуация қилингани ва кўприк тўсиб қўйилгани сабабли ҳеч ким жабрланмаган.

Таъкидланишича, кўприк 1536 йилда қуриб битказилган ва Цин сулоласи вақтида (1644-1911 йиллар) бир неча бор реконструкция қилинган. Кўприкнинг узунлиги 133 метрни, эни эса 15 метрни ташкил қилган.