АҚШда сутка давомида Covid-19 юқтириш билан боғлиқ 60 мингдан ортиқ ҳолат аниқланди

Фото: CC BY 2.0 / Paul Sableman / St. Louis Fire Department Emergency Medic

АҚШда бир сутка ичида COVID-19 юқтириш билан боғлиқ 60 мингдан ортиқ ҳолат қайд этилди. Бу ҳақда Жонс Ҳопкинс университети маълум қилди.

Университет маълумотларига кўра, мамлакатда охирги 24 соат ичида 60021та касаллик юқтириш ҳолати қайд этилган, 1195 бемор вафот этган.

Бир кун аввал бу кўрсаткич мос равишда 44 953 ва 325тага тенг бўлганди.

Жонс Ҳопкинс университетининг маълумот беришича, АҚШда коронавирус юқтирганлар сони 3 миллионга яқинлашган, 131 мингдан ортиқ киши вафот этган.

Бутун дунё бўйича касалликка чалинганлар сони эса 11,8 миллиондан ошган ва 544 мингдан ортиқ киши вафот этган.

Тайёрлаган Дилшод Аскаров

#АҚШ #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.