Москвада 13 июлдан деярли барча карантин чекловлари бекор қилинади

Шу билан бирга, жамоат транспорти, тиббиёт муассасалари, дўконлар ва жамоат жойларида ниқоб тақиш мажбурийлиги сақланиб қолади.

Фото: РИА Новости

Москвада 13 июлдан оммавий тадбирлар ўтказишга қўйилган тақиқдан бошқа барча чеклов чоралари бекор қилинади. Бу ҳақда шаҳар мэри Сергей Собянин ўзининг шахсий блогида маълум қилди.

Шу билан бирга, жамоат транспорти, тиббиёт муассасалари, дўконлар ва жамоат жойларида ниқоб тақиш талаби сақланиб қолади.

"2020 йил 13 июлдан фуқароларга кўчага чиққанда ниқоб, респиратор ёки нафас олиш органларини ҳимоя қилувчи бошқа воситалардан фойдаланиш тавсия этилади. Кўчада ниқоб тақиш мажбурийлиги бекор қилинади", - деб ёзди Собянин.

Охирги маълумотларга кўра, Москвада коронавирус юқтириш билан боғлиқ 227363та ҳолат қайд этилган, вафот этганлар сони 4 мингдан ошган.

Тайёрлаган Дилшод Аскаров

#Москва #карантин

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.