Боладан отага умрбод алимент ундириш белгиланганди, аммо вазият ўзгарди

Фуқаролик ишлар бўйича Яккабоғ туманлараро судининг 16.04.2019 йилдаги ижро варақасига асосан даъвогар Б.Б.га унинг жавобгари Яккабоғ тумани Мучунгузар қишлоғида яшовчи фуқаро Ш.Б.дан 13.03.2019 йилдан бошлаб ҳар ойда алимент ундириш белгиланган эди.

Фарзанд алимент пулларини ўз вақтида тўлаб келган. Жорий йилнинг 9 июлида Бюронинг Яккабоғ туман бўлим давлат ижрочиларининг ҳуқуқий тушунтиришлари сабабли ота ва бола ўзаро келишиб, ярашдилар. Шу муносабат билан ижро ҳужжати Ўзбекистон Республикаси “Суд ҳужжатлари ва бошқа органлар ҳужжатларини ижро этиш тўғрисида”ги Қонуннинг 40-моддасига асосан ундирувчининг аризасига кўра амалда тамомланди.