Тошкентда пиёдалар йўлкаси бўйлаб ногиронлар учун йўлка ва велойўлаклар барпо этилмоқда — фото

Пойтахт Тошкент шаҳридаги асосий йўллар қатори пиёдалар йўллари тартибга келтирилмоқда, велойўлаклар ташкил этилмоқда, деб ёзади шаҳар ҳокимлиги ахборот хизмати.

Хусусан, қурувчилар ва ободонлаштириш тизими мутахассислари қатор кўчалар бўйлаб ободонлаштирилган, эни 1,5 метр бўлган пиёдалар йўлкаси, 0,8 метр кенгликдаги, махсус ногиронлар йўлкаси ҳамда 1 метр кенгликдаги велойўлакларни барпо этиш йўлида ҳаракатдалар.

Маълумот берилишича, бундай ишлар бугунги кунда:

• Ҳайдар Алиев кўчасининг Сарикўл кўчасидан Озарбойжон маданият марказигача бўлган 2 километрлик қисмида — 90 фоизга;
• Шаҳрисабз кўчасининг Катта Миробод кўчасидан Истиқбол кўчасигача бўлган 2,3 километр оралиғида — 50 фоизга;
• Истиқбол кўчасидан Нукус кўчасигача бўлган 1,6 километр масофада — 30 фоизга;
• Фарғона йўли кўчасининг Кичик автомобил халқа йўлидан Қўйлиқ бозоригача бўлган 7 километрлик қисмида 15 фоизга бажарилган.