Қулайликнинг янги даражаси: Artel компанияси етказиб бериш хизматини йўлга қўйди

Artel компанияси маиший техникани уйга етказиб бериш хизматини йўлга қўйди. Эндиликда сиз маиший техникани уйингизни тарк этмаган ҳолда харид қилишингиз мумкин. Қандай қилиб дейсизми? Тафсилотларни мақоламизни ўқиб билиб олинг.

Маиший техникани уйга етказиб беришни амалга оширишнинг икки усули мавжуд: Artel расмий сайтига ташриф буюрган ҳолда ёки махсус телефон рақамига қўнғироқ қилиб.

Биринчи усул – онлайн буюртма

Харид қилиш жараёни жуда осон, қулай ва ҳеч қандай қийинчилик туғдирмайди. Харидни амалга ошириш учун авваламбор Artel.uz расмий сайтига киринг. Маҳсулотлар ассортименти билан танишиб чиқинг ва cизга керак бўлган техникани танланг. Artel сайтида барча маҳсулотларнинг тўлиқ техник тафсилотлари ва маҳсулотларнинг турли ранглардаги суратлари тақдим этилган. Хуш келган техникани танлагандан сўнг, махсус анкетани тўлдиринг ва “Буюриш” тугмасини босинг. Сайтда телефон рақамингизни ёзиб қолдиринг ва Call-маркази оператори Сизга қўнғироқ қилишини кутинг. Call-маркази операторига манзилингизни тушунтиргандан сўнг харидингизни кутинг.

Иккинчи усул – телефон орқали

Буюртмани амалга оширишнинг иккинчи усули янада осонроқ. Харид қилиш учун +998787771010 рақамига қўнғироқ қилинг ва оператор билан боғланинг. Харид қилмоқчи бўлган маиший техника модели ҳамда манзилингизни операторга айтинг. Artel ходимлари харидингизни энг қисқа вақтда тўғри хонадонингизга етказиб беришади. Айтиш лозимки, қайси усулни танлашингиздан қатъий назар, 30 км масофага етказиб бериш мутлақо бепул. Буюртмалар эса юртимизнинг ҳар қандай қисмидан қабул қилинади.