Дунёнинг энг бой мамлакатларидан бири мисли кўрилмаган инқирозга дуч келди

Сингапур ЯИМ жорий йилнинг иккинчи чорагида биринчи чоракка нисбатан 41,2 фоизга тушиб кетди. Мамлакат ҳукумати июнда коронавирус пандемияси шароитида бевосита ёрдам сифатида аҳолига 2,5 миллиард доллар маблағ йўналтирди.

Фото: Getty Images

Сингапур иқтисодиёти мисли кўрилмаган инқирозга дуч келди, бу йил мамлакат ЯИМ 4-7 фоизга қисқариши мумкин. Бу 1965 йилдан буён мамлакатдаги энг ёмон пасайиш бўлади, деб ёзади CNBC.

Прогнозларга кўра, яқин ойларда ишсизлик даражаси ва компанияларнинг банкрот бўлиш ҳолатлари ошади.

«Биз интиҳонинг ибтидосида эмас, тикланишнинг бошланғич босқичида турибмиз. У жуда секин кечади», — деди Сингапур пул-кредит бошқармаси бошқарувчи директори Рави Менон.

2021 йилда компания ва фуқаролар кўпроқ қарз олади, бу эса ўсишни янада секинлаштиради, деди Менон.

Тайёрлаган: Дилшод Аскаров

#иқтисодиёт #Сингапур

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.