Оксфорд университетининг коронавирусга қарши вакцинаси хавфсиз деб топилди

Буюк Британиянинг Оксфорд университети томонидан коронавирусга қарши ишлаб чиқилган вакцина хавфсиз деб топилди.

Фото: Globallookpress

Олимлар бу ҳақдаги тадқиқот натижаларини The Lancet тиббиёт журналида эълон қилишди.

Учинчи босқич синовлари апрель – май ойлари давомида 5та шифохонада ўтказилди. Унда 18-55 ёш оралиғидаги коронавирус билан хасталанмаган 1077 кўнгилли иштирок этди.

- Иммунитет тизимида патогенларни аниқлаш ва уларга ҳужум қилишнинг 2та усули бор – антитана реакцияси ва Т-ҳужайралар. Бу вакцина ҳар иккаласини ҳам фаоллаштиришга қодир. Шу туфайли вакцина одам вужудига тушган вирусга ва зарарланган ҳужайраларга ҳужум қилади», - деди университет професоори Эндрю Поллард.

Вакцинанинг «бир неча фронтда» амал қилиш хусусияти туфайли олимлар унинг узоқ вақт ҳимоя қилишини тахмин этишмоқда.

Вакцинанинг салбий асоратлари ҳам бор - бош оғриғи, ҳароратнинг кўтарилиши, мушаклардаги оғриқ. Аммо бу асоратлар вакцина қўлланишида табиий ҳол деб ҳисобланади.

Буюк Британия вакцинасининг самарадорлиги синовлари давом этмоқда.

Тайёрлаган Сардор Юсупов

#Буюк Британия #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.