ЖССТ коронавирусга қарши оммавий эмлаш қачон бошланишини тахмин қилди

Коронавирусга қарши оммавий эмлаш 2021 йил ўрталарида бошланиши мумкин.

Фото: Liu Dawei / Keystone Press Agency / Global Look Press

Бу ҳақда DPA нашри Жаҳон соғлиқни сақлаш ташкилоти (ЖССТ) раҳбарининг ўринбосари Сумия Сваминатанга таяниб хабар бермоқда.

ЖССТ раҳбари ўринбосарининг сўзларига кўра, ҳозирда 20дан ортиқ вакцина клиник синовдан ўтказилмоқда. Шу билан бирга, уларнинг баъзилари самарали бўлишига умид бор.

Сваминатаннинг аниқлаштиришича, синов натижаларини келаси йилнинг бошида кутиш мумкин. Унинг сўзларига кўра, вирусга қарши антитаначаларнинг маълум вақтдан кейин йўқ бўлиб кетиши пайдо бўлган иммунитетнинг тўлиқ йўқлигидан далолат бермайди.

Унинг таъкидлашича, вакцинани ишлаб чиқиш бўйича глобал пойга «ЖССТ гувоҳ бўлган энг тез жараёнга айланди».

Сваминатаннинг сўзларига кўра, январь ойида вируснинг генетик кетма-кетлигини аниқлаш ва биринчи синовларни бошлаш ўртасида атиги уч ой вақт ўтди.

Тайёрлаган Отабек Матназаров

#вакцина #ЖССТ #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.