Ўзбекистон электрон ҳукуматни ривожлантириш даражаси бўйича рейтингда пастлади

Ўзбекистоннинг электрон ҳукуматни ривожлантириш индексидаги ўрни маълум қилинди.

Фото: Shutterstock

Ўзбекистон дунё мамлакатларининг электрон ҳукуматни ривожлантириш даражаси бўйича рейтингида 6 поғона пастлади. Бу ҳақда “Юксалиш” ҳаракати хабар берди.

БМТнинг электрон ҳукуматларни тараққий эттириш даражаси бўйича янги шарҳида (UN E-Government Survey) мамлакат 193 давлат орасида 87-ўринни эгаллади.

Шарҳнинг иккинчи асосий кўрсаткичига кўра, Электрон иштирок этиш индекси (E-Participation Index, EPI)да Ўзбекистон 59-ўриндан 46-ўринга кўтарилиб, ўз поғонасини 13та пунктга яхшилади. 0,80 индексига эга бўлган мамлакат юқори EPI даражаси юқори давлатлар гуруҳига кирди.

Электрон ҳукуматни ривожлантириш индекси (E-Government Development Index, EGDI) учта кичик индексдан шаклланади:

телекоммуникация инфратузилмаси индекси;
инсон капитали индекси;
онлайн-хизматлар индекси.

#рейтинг #электрон ҳукумат