Қўшимча функционаллар
-
Тунги кўриниш
Ўзбекистонга туристик мақсадларда келган ва кетган шахслар бўйича статистика очиқланди
2020 йилнинг январь-март ойларида Ўзбекистон Республикасига туристик мақсадларда келган чет эл фуқаролари сони 1,2 млн кишини ташкил этган бўлса, апрель-июнь ойларида бу кўрсаткич 2,1 минг кишини ташкил этди.
Давстатқўм хабарига кўра, 2020 йилнинг январь-март ойларида туристик мақсадларда кетган Ўзбекистон Республикаси фуқаролари 1,4 млн кишини ташкил этган бўлса, апрель-июнь ойларида эса бу кўрсаткич 3,5 минг кишини ташкил этди.
2020 йилнинг январь-июнь ойларида Ўзбекистон Республикасига туристик мақсадларда келган чет эл фуқаролари сони 1,2 млн кишини ташкил этган. Бу кўрсаткич 2019 йилнинг шу даврига нисбатан 60,0 фоизга камайган.
2020 йилнинг январь-июнь ойларида МДҲ давлатларидан Ўзбекистон Республикасига келган чет эл фуқаролари 1,1 млн кишини ташкил этган бўлиб, бу жами ташриф буюрганларнинг 95,5 фоизини ташкил этади, узоқ хорижий давлатлардан эса 54,8 минг киши (ёки 4,5 фоиз) келган.
2020 йилнинг январь-июнь ойларида туристик мақсадларда чет элга кетган Ўзбекистон Республикаси фуқаролари сони 1,4 млн кишини ташкил этди. Ўтган йилнинг шу даврига нисбатан таққосланганда эса бу кўрсаткич 61,3 фоизга камайган.
2020 йилнинг январь–март ойларида МДҲ давлатларига кетган Ўзбекистон Республикаси фуқаролари 1,3 млн кишини ташкил этган бўлиб, бу жами кетганларнинг 92,7 фоизини ташкил этади, узоқ хорижий давлатларга эса 104,6 минг киши (ёки 7,3 фоиз) кетган.
