Қўшимча функционаллар
-
Тунги кўриниш
Билл Гейтс бутун инсониятга гўёки вакцина орқали чип ўрнатмоқчи экани ҳақидаги гап-сўзларни рад этди
Билл Гейтс сайёранинг барча аҳолисига чип ўрнатиш учун коронавирусга қарши вакцина яратилишини молиялаштираётгани ҳақидаги гап-сўзларни инкор қилди, деб ёзади CNBC.
Yahoo News ўтказган сўровномада қатнашган АҚШ аҳолисининг 28 фоизи Microsoft асосчиси одамларга вакцина орқали чип ўрнатмоқчи эканлиги ҳақидаги назарияга ишонишини кўрсатди.
«Биз вирус ҳақида ҳақиқатни билишимиз керак. Одамлар фактларни билганидан кейин чиплаштириш ҳақидаги назария йўқолишига умид қиламан», — деди Гейтс.
ЖССТнинг маълумот беришича, ҳозирда дунё бўйича 100дан ортиқ вакцина ишлаб чиқилмоқда, улардан 23таси одамларда синовдан ўтказилмоқда. Февралда Билл ва Мелинда Гейтс фонди коронавирусга қарши вакцина яратилиши учун 100 млн доллар ажратишини эълон қилганди.
Июнда фонд вакцина ва иммунизация бўйича глобал альянсга 1,6 млрд доллар маблағ ажратишни ўз зиммасига олган.
Мавзуга оид
13:28 / 10.02.2026
ССВ «коронавирусга қарши вакцина олганлар ҳаёти хавф остидалиги» ҳақидаги хабарга муносабат билдирди
17:24 / 05.02.2026
Билл Гейтснинг собиқ рафиқаси уни Эпштейн файллари билан боғлиқ «саволларга жавоб бериш»га чақирди
23:53 / 31.01.2026
Олимлар Нипаҳ вирусига қарши вакцина ишлаб чиқишди
18:06 / 29.01.2026