Қўшимча функционаллар
-
Тунги кўриниш
Болгарияда коронавирус юқтирган туристларнинг даволаниш харажатлари қоплаб берилиши мумкин
Болгария курортларида туристларнинг коронавирус юқтириши билан боғлиқ бирорта ҳам ҳолат қайд этилмаган.
Болгарияда дам олиш вақтида коронавирусга чалинган туристларнинг овқатланиш ва даволаниш харажатлари қоплаб берилиши мумкин. Бу ҳақда АТОР хабар бермоқда.
Мамлакат бош вазири ўринбосари ва туризм вазири Марияна Николованинг сўзларига кўра, Болгария курортларида туристларнинг коронавирус юқтириши билан боғлиқ бирорта ҳам ҳолат қайд этилмаган.
"Меҳмонхоналаримиз курортларда касаллик юқишининг олдини олиш мақсадида барча санитария талабларига риоя қилмоқда. Бу Болгариянинг дам олиш учун хавфсиз жой эканлиги тўғрисидаги хулосани тасдиқлайди", — деди у.
Шунингдек, Болгария туризм вазирлиги мамлакатда ҳордиқ чиқариш вақтида COVID-19 билан оғриган туристларнинг мажбурий карантин давридаги овқатланиш ва яшаш харажатлари қоплаб берилишини таклиф қилди. Николованинг айтишича, вазирлик бу масала бўйича молия вазирлиги билан музокара олиб бормоқда.
Охирги маълумотларга кўра, мамлакатда коронавирус юқтирганлар сони 12,1 мингдан ортиқ бўлиб, 404 киши вафот этган.
Мавзуга оид
08:28 / 19.06.2026
София Россияга қарши янги чекловларга қарши чиқди
12:02 / 18.06.2026
“Шовқин ва чангдан зада бўлдик” – портлатиш ишлари туризм қишлоғига тинчлик бермаяпти
11:00 / 12.06.2026
Ўзбекистонда ҳар йили “Очиқ туризм мавсуми” дастури ўтказилади
18:31 / 09.06.2026